"හෙණ ගහන අලුත් අවුරුද්දක් ! " ,ඔබ සැමට

මායාවරුන්ගේ මායාව නිසා කිසිලෙසකවත් එතැයි නොහිතූ වර්ෂ දෙදහස් දහතුන දැන් ගේ දොරකඩය. දොරට තට්ටුව දැමීමට ,

පෙර සීනුව නාද කිරීමට පෙර 

අපි සූදානම් වෙමු

අලුත් ඇඳුම්

බිත්තියට අලුත් කැලැන්ඩරයක්

අලුත් ඩයරියක්

දෙදාස් දහතුන මුණගැසුණු පසු කීමට දුක් ගැනවිලිද බොහොමයකි.ඒ දෙදහස් දොළහ අපට කළ නොපනත්කම්,කරදර,පාඩු ,පාත් කළ හෙණගෙඩි ගැනය.

එවැනි දෑ දෙදහස් දහතුන අපට නොකරාවියයි අපි විශ්වාස කරමු.

අපිව නොහඬවාවියයි,

   හඬන්න සිටින අපේ ඇස්වලට ඇඟිල්ලෙන් නොඅනීවියැයි විශ්වාස කරමු

බලාපොරොත්තු සුන්ව වියළී ගිය හදවත් බිම්වලට අනෝරා වැසි වස්සවාවියයි 

හිනා වියැකී ගිය මූණු කඩදාසිවල හිනාවන් පින්තාරු කරාවියයි අපි විශ්වාස කරමු

හෙණ ගහන අලුත් අවුරුද්දක් වේවා ඔබ සැමට

හෙණ ගහන්නේ ඔබට නොවේය.

ඔබගේ ගමන වළකන ප්‍රතිරෝධයන්ටය

ඔබේ සිනාව වළකන කඳුලටය..

කරුණාව වළකන වෛරයටය...

සතුට වළකන වේදනාවන්ටය..

~ගැටයා~

image