බස් රථයක පිටිපස්සේ දොරේ සිට ඉස්සරහ දොර දක්වා වැටී ඇති වින්දනීය මාර්ගය

මහතුන් ඔතන ඉන්නා හිටගෙන එකට
මට පවු නොදී යනවද තව ඉදිරියට
''මහතුන්'' කියා ඇමතුව හින්දා අපට
ගියා මිසක් අපි බය නෑ කොන්දාට


පළමුවන මාර්ග බාධකය


වීල් අටේ ට්‍රක් රතයක් වාගෙ වැටී
ළඟින් හිටන් ඔරවන් උන් පොස් ඇන්ටී
ඉඩ දෙන්නට කැමති වෙච්චි එකත් වටී
ඒත් එයට හරස් උනා පෙදෙස   කටී*


* කටී ප්‍රදේශය n. breech , bum     
Source : http://lenadic.com/dictionary.php


අතරතුරේ ෂී ෆීලින් (ග්) ගිල්ටී
ගැහුවා ඇගේ කරට උඩින් මම බල්ටී
ලෑන්ඩ් කරපු තැන උන් මිනිහා චූටී
බෙරිහන් දෙයි දුරකතනය සමඟ ගැටී


දෙවෙනි මාර්ග බාධකය


යකා මගේ ඇවිස්සෙන්න එයි අයිසේ
දුන්නෙ කුඩේ යවන්ඩ දුකටයි  වැස්සේ
ඒක ගෙනත් නොදුන්නොතින් අද දවසේ
නරක මිනිහ කියන්නෙපා මට පස්සේ


මෙතන ඉතින් කිවුවොත්   ඇක්ස්කූස් මී
නරක වචන වැස්සක් විත් යාවි තෙමී
හොඳම වැඩේ හැටියට දැන් අටට නැමී
ෂේප් එකේ මම මෙතනින් මාරු වෙමී


තුන්වැනි හා සිවුවැනි මාර්ග බාධක


පිඹුවෙක් විලස මැද පොල්ලේ වෙළෙමින්
එකෙක් දුටිමි උන් එතැනම බමන මතින්
පිඹුරට එහා පැත්තෙන් හිටියේ ටාසන්
පැණි හළ හළා පෙම් කෙළිමින් සමඟ ජේන්




ඉඳගෙන උන්නු පාසල් දැරිවියො අසලින්
හිටගෙන හිටියෙ බඩදරු අම්මෙකි සැපයෙන්
සර්කස් පෙන්නමින් මිනිහෙක් තනි කකුලෙන්
ඉන්නේ මොකද කියලා බැලුවෙමි පුදුමෙන්


වින්දනීය විරාමය


අධි වේගයෙන් වාහන පදිමින් අමරේ
පැච් නැති උනත් මාරු කරයි එහි ටයරේ
මෙකී නොකී ආත බූත හැම අතරේ
කෙල්ලෙක් මලක් කඩමින් එකතැන  ඇඹරේ

වන්දනීය විරාමය
බස් රතයේ ඈත පෙනෙන දෙවු  තොරණ
නිවි නිවි දිලෙන ගැටි රිසිසේ නරඹමින
පතමින් එක සිතින් පිවිතුරු වූ නිවන
දොහොත් මුදුන් දෙයි ආච්චි බැති  සිතින


ප්‍රේමණීය විරාමය සහ කඳුලු කරාමය


වෙහෙරහේන විහාරයේ උඩ මළුව
පෙන්නන්නටම රියදුරු තැන තැත් දැරුව
ලියුමක් අරන් පත්තර පිටුවක එතුව
කියවයි ඇහෙන්නට දුක ඉවසනු බැරුව


කටු කෑ නමුත් ඉස්සරහට ආ සතුටින්
මාවත බැලු විට දුටුවෙමි නුහුරු දසුන්
බහින තැනත් පහුකර දැන් බසය ගොයින්
දැන්වත් ඉතින් බැහැලා පල ආයෙ පයින්




චාරිකාවට සහය දුන් බස් රථයේ රියදුරු දෑතට දෙවි පිහිට ලැබීමට නියමිත වුවත් හෝල්ට් එකත් පහුකට එක්කන් යෑම නිසා එය ලැබෙන්නේ නැත.
දහඩිය මුගුරු වගුරවමින් නොපිරිහෙළා ,අකුරට සිය සේවය අකුරට ඉටු කළ කොන්දොස්තට මැතිතුමාට *^&^$&*^()_&*&^$^&^)(O

Posted in: වින්දනීය ගැට පද