~~බණ්ඩා ගෝල්ඩ් හවුස්~~පවිත්‍ර හෝම්ස් open source ලිපිගොනු 1

රීෆ්‍රෙශ්මන්ට්

ආයෙමත් හෝම්ස්(එක )--ඔහු

ආයෙමත් හෝම්ස් (දෙක ) :ඔහු සහ මම

ආයෙමත් හෝම්ස් (තුන ).ඔහුයි-මමයි

ආයෙමත් හෝම්ස් (හතර )-බේකර් වීදියෙන් ආමර් වීදියට !

ආයෙමත් හෝම්ස් (පහ ) මම ,ඔහු සහ මිසිස් හඩ්සන් ..

ආයෙමත් හෝම්ස් (හය ) මම ,ඔහු සහ අර පොත

ආයෙමත් හෝම්ස් (හත ) -ඔහු මම සහ දොස්තර වීරක්කොඩි

ඇගේ රුපියල් දෙසිය විසිපහේ රතු පාට ක්‍යුටෙක්ස් බෝතලයකින් සැරසුණු නියපොතු නොඉවසිල්ලෙන් එකිනෙක ගැටෙන්නට විය.නාදළු දෙතොල්වල වෙවුලීම තවම නැවතී නැත.පොපියන දෙනෙත් බියපත් මුවැත්තියකගේ සිහිගන්වයි.මම ඒ මුවැත්තියගේ දෙනෙත් දෙස වැද්දෙක් මෙන් බලා සිටියෙමි.

"ඔබ හොඳටම බියපත් වෙලා විකල්පනා මෙනෙවිය"එම වදන්  පවිත්‍රගේ නොවේය,මගේය .මා “වොට්සන්” බව දැනගැනීමට මෝහනය වුවමනා නැත.සංසාරේ හැටි එහෙමය.සහෘදයෝ  සැම කල්හිම සැම බවයකම එකටම වෙසෙත්.

"නැතුව ඉතින්.මට නාන්න නෑ ...මේකප් එකක් දාන්න නෑ....නිදියන්න නෑ..කොයි වෙලෙත් මේ මිනිහගේ කරදරේ.."

"හරි අපි ගැටළුව විසදීමට උත්සහ කරමු.දැන් මේ හාදයා ,ජැක්සන් ඔබගේ එච්චර වටිනාකමක් නැති නිවස ඉතාමත් වැඩි මුදලකට මිළට ගැනීමට ඔබට යෝජනාවක් කරනවා"ඒ  පවිත්‍ර හෝම්ස්ය

"ඔව් ඔව්..මම කොහොමද ඒ ගේ දාල යන්නේ.ඒ ගෙදර තමා අපේ පප්පායි ,පප්පගෙ පප්පයි හිටියේ.එයා එල්ලිලා මැරුණෙත් ඒ ගෙදර.මම කොහොමද එහෙවු ගෙයක් දාල යන්නේ?"

"නමුත් ඔබට දිගටම කරදර එල්ල වෙනවා?"

ඈ සුසුමක් හෙළුවාය.

"ඔබට මේ සිද්ධිය ගැන කිසියම් ආකාරයක හෝ අදහසක් තියෙනවද මෙනෙවිය?"

"තියෙනවනම් ඔයා ළඟට එනවද අනේහ්?මමත් ෂර්ලොක් හෝම්ස් පොත් සැට් එකම කියවල තියෙන නිසා දන්නවා එයා වැඩ කාරය කියලා.ඇත්තටම ඔයාටත් පිස්සුනෙ මේ වගේ රටක ඉපදෙන්න"

"ජනතා සේවයට දේශයක් දීපයක් නෑ මෙනෙවිය මම ඔබට කළ හැකි උදවුවක් කරන්නම්"

විකල්පනා,වැඩි සිහිකල්පනාවක් නැතිව "බායි" කීවාය. පිටවී ගියාය.

"වොට්සන්..මාත් සමඟ එන්න ,වෙන වැඩ රාජකාරියක් නැතිනම් ඔබට"

මෙවැනි වදන් කී වතාවක්නම් කියවා ඇත්ද..ඒත් දෙයි හාමුදුරුවනේ දැන් ඇත්තටම නේද මේ ඇහෙන්නේ?

"නෑ නෑ වෙන කිසිම වැඩක් නෑ..මොන පිස්සුද..යං යං යං "

කඳු නිම්න මිටියාවත් මැදින් ගිය ගමන කෙළවර වූයේ හාඩ්වෙයාර් එකක් ළඟදීය."මොහොතක් රැඳී සිටින්න වොට්සන්"පවිත්‍ර එහි මුදලාලි සමඟ මාධ්‍යය සාකච්ඡාවක් සඳහා පිටත් විය.අනුන්ගේ කතා වලට ඇහුංකන් දීමේ කැත පුරුදු මා ළඟ නැති නිසා ඇසුනේ දෙබස් කිහිපයකි.

"ඔව් ඔව් එයා තමයි.ඊයේ තමයි ආවේ....  “.....”හරි ඔච්චර තමා...”

පවිත්‍ර නැවත මා සතු විය.අපි දිගටම ඇවිද ගියෙමු.මෙවර ගමනාන්තය විකල්.......හැහ් විකල්පනා?

"අපි මොකටද මෙහාට ආවේ?"

පිළීතුරක් නැත.පවිත්‍ර කිසිදු අවසරයකින් තොරවම ගෙතුළට රිංගුවේය.නියම හෝම්ස්ලා වැනි පුද්ගලයෝ එසේය.ඔවුන් කරන කියන දෑ,බලන දෑ පෘතග්ජන අපට තේරෙන්නේම නැත.තේරුම් කරදීමේ තේරුමක්ද නැත.මේ ලෝකේ ගොඩක් දේවල් ලස්සන වන්නේ ඒවා සම්පූර්ණයෙන් හෝ අර්ධ වශයෙන් ආවරණය ........ම්....ම්ම් අ...ඔහ්..නෝ..... විකල්පනා මෙනෙවිය!!අපි කෙසේ හෝ ඇගේ ඉතිරි අර්ධයත් නිරාවරණය වීමට පෙර අල්මාරිය පිටුපස සැඟවුනෙමු.

"ඉක්මනට යමු මෙතනින්..අහු උනොත් කාන්තා අයිතිවාසිකම් සුරැකීමේ සහ කාන්තා  ප්‍රතිචක්‍රීකරණ පණත යටතේ නඩු දායි"

"ඉවසන්න  මිත්‍රයා..දැනුයි තිරය විවර උනේ ..නාටකය තව ටිකකින්"

"හ්ම් හ්ම් තිරේ බාගෙට ඇරිල තමා තිබුණෙ"

හුස්ම පවා සිරවී තිබුණු විනාඩි කිහිපයක් ගතවිය.නිහඬතාව බිඳුනේ සාලය දෙසින් ඇසුණු හඬකිනි

"මම කී සැරයක් කියන්නද ඕයි තමුසෙට...."

"මට හිතාගන්න බැරි එක දෙයයි නෝනා..මේ කඩාගෙන වැටෙන්නත් ලඟ අංජබජල් ගේකට මෙච්චර ලොකු ගානක් ගෙවන්න හදද්දිත් අකමැති මොකෝ කියලා"

"මේ අපේ පප්පගෙ පප්ප ඉඳන් ජීවත් වෙලා මැරිල ගිය ගෙදර."මගේ අත හදිසියේම අල්මාරියේ පැත්තක වැදිණි.අල්මාරිය දෙදරන්නට වූ අතර ඒ මත තුබුණු මැටි භාණ්ඩයක දෝලන චලිතයක් ඇතිවිය.

"ඒක තමා නෝනා මේ ගෙදර පප්පගේ හොල්මනුත් ඇති එහෙන..."වෙරි පිට මෙන් වැනුන මැටි භාණ්ඩය බිමට වැටී කෑලි වලට විච්ඡේදනය විය.

"ඔය මං කිවුවේ නෝනා හොල්මන්.... හොල්මන් "

ඉන්පසු සිදු වූයේ කුමක්ද?හින්දි චිත්‍රපටියක කොල්ලා මෙන් ඉදිරියට පැමිණි හෝම්ස් නොසැලෙන කටහඩ අවදි කළේය

"ඔව් හොල්මන් තමයි ජැක්සන් මහත්මයා..අපට සිදුවෙනවා ඔබව අත්ඩංගුවට ගැනීමට....නෑ නෑ ...119 වලට ඇමතුමක් ලබා දීමට "

"හක් ..හක් ..ඒ මොකෝ දන්නේ නෑ"ජැක්සන් කැත හිනාවකින් මුහුණ පුබුදුවා ගත්තේය.

".ම්ම්...කාන්තා හිංසනය"

"අනවසරයෙන් ඇතුල්....."මම පෝර දැමීමට උත්සහ කළද ඒ පෝර දැමිල්ලෙන් ගහ මැරෙන නිසා පවිත්‍ර මා වළක්වාලීය

"සාක්ෂි?"ජැක්සන්ටද "පොයින්ට්ස්" නොතිබ්බේම නැත.සාක්කි හෙවිල්ලත් ලේසි නැත.මිනිහ පේස්බුක්වත් හිටියනම් ක්‍රම තිබේ.

මම මනෝ ලෝකයේ සැරිසරන අතර  පවිත්‍ර ක්‍රියාත්මක වී තිබේ.ඔහු අත තිබුණේ කොළ කැබැල්ලකි.ළං වී බැලූ විට බිලක් බව පෙනේ.

"ජැක්සන් මහත්මයා මේක හොඳින් දන්නවා ඇති?මේ ඔබ මිළදී ගත් භාණ්ඩ බවට සාක්කි ඕනවටත් වඩා තියෙනවා"

ජැක්සන් සලිත වූ බව පෙනේ.

"මම කියවන්නම් ඔබ මිළදී ගත් ඒවා.සවල් 4යි.කූඩ 5යි.යකඩ ඉනි 6යි.උදලු 7යි..බීඩි රුපියල් 15කයි.ඉතින් විකල්පනා මෙනෙවියනි ඔබට මේවා දැක්කාම මොකද හිතෙන්නේ?"

"ළිඳක් හාරන්න වෙන්න ඇති "

"ඔ ඔව් ළිඳක් ..වතුර ..වතුර.."ජැක්සන් කලබල විය.

පවිත්‍ර බැරෑරුම් මුහුණක් මවමින් ජනේලය අසලට ගියේය.ජනේලයෙන් එපිට මාවත් දෙස බැලීය.මුහුණේ මතුවුයේ සියුම් මදහසකි.

"මේක බොහොම බැරෑරුම් අභියෝගයක් ජැක්සන්"

'මො..මොකක්?"

"සියල්ල පැහැදිලියි.. කොළඹ අපරාධකරුවෝ පුදුමාකාර විදියට අනුකාරකයි වොට්සන්.ඔවුන් අපරාධ කිරීමට පෙළඹෙන්නේ ඉතාමත් බොළඳ බාල සැලසුම් වලට අනුවයි.ජැක්සන් මහතා සාමන්‍ය කා.කා.ස කෙනෙක් .එහම පුද්ගලයෙක් හදිසියේම ඉතා විශාල මුදලක් වියදම් කරමින් මිළදී ගන්නේ මොනවාද?පස් හාරන සහ ඉවත් කරන උපකරණ.මේ අතරේදී ඔහු විමසිලිමත් වෙනවා ඉතාමත් වැඩි මුදලකට හෝ මේ ගේ මිළදී ගන්නත් ..අවසානයේ මේ සියල්ලෙන්ම පෙන්නුම් කරන්නේ කුමක්ද?"

"හානේ..ඒ...ඒ.....අපෙ වත්තේ බාන් බඩී වගේ එකක් දාන්න "විකල්පනා මෙනෙවිය කල්පනාකාරී පිළිතුරක් ලබා දුන්නාය.

"නැහැ මෙනෙවිය ...උමගක්...මට සීයට සීයක් විශ්වාසයි ඒ උමගක්..." සියල්ලෝම තක්බීර් වී බලා සිටියෝය.

"නමුත් කොහාටද"මම නියම "වොට්සන් බ්‍රැන්ඩ් " ඩයලොග් එකක් දැමුවෙමි.

"කොහාටද ජැක්සන් මහත්මයා?"

ජැක්සන් හූනෙක් මෙන් සුදුමැලි වී සිටියේය.හූනෙක් මෙන්ම "චක් ..චක් "ගෑවේය

"බලන්න මේ සිතියම දිහා"පවිත්‍ර විකල්පනාගේ පරිගණකයෙන් ගූගල් මැප් එකක් ලෝඩ් කිරීමට උත්සහ කළේය.ලංකාවේ “නෙට්වර්ක් සුපිරි “ නිසා වැඩි වෙලාවක් ගත නොවීය.

බලන්න මේ නිවසට ඉතාමත් ආසන්නයේ තිබෙන "බණ්ඩා ගෝල්ඩ් හවුස්" සාප්පුව.ඔබ ඉතාමත් දක්ෂයි ජැක්සන් ඒ සාප්පුව මුදල් ඉල්ලමක්."

මම ජැක්සන්ගේ බියපත් මුහුණ දැකීමට බලාපොරොත්තු වීමි.නැත.ඔහු කොක් හඬලා සිනාසෙන්නට විය.අපරාධ හෙළිවීම හමුවේ සිහි විකල් වූ මිනිසුන් ගැන මම අසා ඇත්තෙමි.මොහුත්?

"තමුසෙටනම් වයර් ඕයි...මම මෙතන ඉඳන් උමගක හාරන්න හදපු එක ඇත්ත.මොකද මේක කරදර නැති ,නගරයේ මැදම තියෙන තැනක්.ඒත් ඕයි මෙච්චරක් වියදම් කරලා මම දෙකයි පනහට උමං හාරයි කියල හිතුවද?බන්ඩා ගෝල්ඩ් හවුස් හෙන ලොස් එකක් ඕයි"

"එහෙනම්"පවිත්‍ර හෝම්ස්

"කොහෙටද"විකල්පනා

"හාරන්නේ?"මම

ජැක්සන් ගූගල් මැප් එකට එබුනේය.

"තමුසෙලගේ ඇස් පොට්ට වෙලාද?ඇයි අයිසෙ මේ තියෙන්නේ ධන ආකරයක්....පැට්‍රල් ෂෙඩ් එකක් !!!!!"